Mexico-a zirtirtute leh police Innawrnaah mi paruk an thi

Mexico ram chhim lam, Oaxaca state-a Nochixtlan khawpuia a zirtirtute'n nawrh an huaihawt mekah zirtirtute leh police-te an innawr buai a, mi paruk an thih bakah, mi 45 an hliam a, hliam zingah police-te pawh an tel.

Oaxaca state-ah hian zirtirtu pawl, CNTE union hruaite zinga langsar tak mi pahnih chu eirua puh an nih avangin man an ni a, chu chu zirtritu dangte'n duh loin, lungawi lohna an lantir a ni. Lungawi lohna an lantir avang hian ni eng emaw zat chu Oaxaca
aṭanga Mexico City panna kawngpui an dangchat tawh.

Zirtirtu nawrh huai≠hawt≠tute'n kawngpui an dang≠chat chu police-te'n tih≠tawp turin hnawh darh an tum avangin police-te leh zirtirtute chu kawngpuiah an inep a; chutih lai chuan silai a puah avangin an phili buai ta a ni. Mexico National Security Commission thuchhuah chuan, zirtirtu pungkhawm hnawt darh tura police kalte'n silai an ken loh thu leh, silai puak chu mi tute emaw kah a nih thu a tarlang.

Lungawi loh lantirtu CNTE union chuan, an hruaitu mi pahnihte eirua puhna chu politics thila inpuhna vang niin an sawi a; CNTE-te hian Mexico Education Reforms-in kum 2013-a kalphung thar a hman chu an duh lo bawk a, an duh loh chhan chu zirtirtute hna thawh dan endikna (teachers' performance) a awm vang a ni.

Buaina chhuahna bul hnaia awm, Mexico sor≠kar oil refinery company Pemex chu harsatna an tawh loh nan kh‚r rih a ni.