US military social media account hack sak

US Central Command (CENTCOM) social media account, Twitter leh YouTube page chu hack a ni a, pawikhawihtute hi ngawrh taka chhui zui nghal an ni tih US sorkar chuan a sawi.

White House Presss Secretary Josh Earnest chuan account hack a nih dan hi uluk taka an chhui mek thu sawiin, hacker-te hian Twitter leh YouTube portal hmangin, America sipaite vauna thu an post niin a sawi. US media report ṭhenkhat chuan hacker-te hi Islamic State (IS) firfiak pawl thlawptute nia an rin thu an tarlang.

CENTCOM pawhin thuchhuah siamin, an social media account chu khawih sak an ni tih a sawichiang a, siamṭha turin a ṭul angin hma an la mek tih an sawi. Khawih sak an nih vang hian an twitter account pawh an tihtawp nghal.