Pope in Colombo-ah Mass a buatsaih

Roman Catholic kohhran hotu, Pope Francis chuan Thawhlehni khan Sri Lanka khawpui, Colombo a thleng a, nimin khan mass buatsaihin kum zabi 17-naa Colombo-a missionary-a awm, Joseph Vaz chu mi thianghlimah a puang.

Pope chuan mipui pungkhawmte hmaah Joseph Vaz-a hna thawhte chu entawn turin a fuih. Vaz hi kum 1651-ah Goa ah a piang a, kum 36 a nihin kutdawh anga incheiin Kingdom of Kandy-ah hian a lut a, hei hi hetih hunlai hian Dutch-te'n Catholic-te an tihhlum ṭhin vang a ni. Buddhist lal venhimna hnuaiah a thawk zui a, kum nga chhung chu a rukin thu a hril zui a ni. Mahse a hnuah enthlatua puhin man an ni a, kum khat chhung zet tantir a nih hnuah, King Vimaladharmasuriya II chuan a chhanhim a ni.

Kandy-ah hian kum 1711-a kum 60 mi nia a thih thlengin Vaz a hi a awm a, a awm chhung hian mi 30,000 vel chu Kristianah a hruai lut.

Francis chuan Kristiante chuan Vaz-a'n Sri Lanka-a remna, rorelna dik leh inpumkhatna a awm theihna tura hnathawkte chu an entawn an ngai a ni, a ti.