Pawikhawihtute hum tumah Argentina president puh

Argentina rama pawikhawihna thleng rapthlak ber zing a mi, kum 1994-a bomb puak chhuina kalzelah, prosecutor chuan President Cristina Fernandez-i chu mawhphurtute hremna pumpelh a nih theihna atana a ruka Iran inbiakna neihpuiah a puh.

Kum 1994-a Buenos Aires-a Argentine-Israeli Mutual Association beih a nih dan hi chhuichhuah a la ni lo a, pawikhawihna thlengah hian mi 85 an thih bakah midang 200 chuangin hliam an tuar. Kum 2013 khan Argentina leh Iran chuan pawikhawihna thleng chhui tur hian inremna an lo siam tawh a ni.

Argentine prosecutor Alberto Nisman chuan kum 2013 khan thuchhuah siamin, pawikhawihna thleng hi Iran leh Hezbollah helpawl ruahmanah a puh a, mahse a puhna hi Iran chuan a pha thung.

Nilaini khan Nisam chuan pawi­khawihna thlenga inhnam­hnawiha puh, Iran official hlui pahnihte chu President Fernandez leh senior official dangte chuan hrem loh an remti, tiin a sawi leh a, President Fernandez leh Foreign Minister Hector Timerman chu thu zawhfiah atana ko turin judge te a ngen bawk.