US House-in Obama immigration policy dan a tum
US President Barack Obama-a'n immigration policy a siam thar sutna tur bill chu House of Representative-ah pass a ni a, Senate-ah ngaihtuah a ni leh ang. Mahse White House chuan Senate-a pawm a nih pawhin President hian a veto power hmangin a lo dan a rinthu a sawi.
Nikum November thla khan President Obama chuan immigration policy thlakna tur hian a thuneihna pawh a hmang mai dawn a ni, tiin a lo sawi tawh a ni. House-a Republican member-te chuan President chetdan hi a thuneihna piah lam leh, ram danpui nena inmil lo a ni, an ti.
Bill hi President hian a veto hmangin lo hnawl mah se, he thil hi eptu pawl, Republican lamin Obama policy an duh lohzia an lantirna remchangah hman an tum tho a ni. Senate hian a pass kher a rinawm loh a, mahse Democrats lam chuan hei hian Obama immigration proramme siam thara ramdang aṭanga pemlut inziahluh tum tam tak a hnawhbo phah an hlauthawng hle. Immigration policy siam thar chungchangah hian Republican leh Democrats te hi an la inbeih chhunzawm zel rin a ni.