Japan PM-in Middle East a fang dawn

Japan Prime Minister Shinzo Abe chu kar khata thanga Middle East ramte tlawhkual turin nimin khan Tokyo a chhuahsan.

PM Abe hian Egypt, Jordan, Israel leh Palestinian a tlawh dawn a, hei hi nikum December thlaa a cabinet tharte a ruat hnuah rampawna a zinchhuahna hmasa ber a ni. A zinnaah hian Middle East-a boruak ralmuang leh ngelnghet a awm theih atana Japan-in theihtawp chhuah a tum thute a hrilh nghal ang.

Vawiin hian Egypt President Abdel-Fattah El-Sisi nen an inkawm ang a, Pathianni-ah Jordan tlawhin Jordan lal King Abdullah II a hmu ang. Pathian­ni vek hian Israel panin, Thawhṭanni thlengin a cham dawn a, Israel Prime Minister Benjamin Netanyahu kawm tum­in, ram pahnihte'n inlaichinna nghet zawk an neih dan turte an sawidun ang. Thawh­lehni-ah Palestinian President Mah­moud Abbas a hmu leh ang a, Ja­nuary 21 hian Japan-ah a kir leh ang.