Charlie Hebdo cover hman vangin African newspaper-in ngaihdam dil

African rama chanchinbu pahnih chuan Charlie Hedbo magazine-in an an chanchinbu kawma Pro­phet Mohammad lem an dah chu an chhuah chhawng a, mahse Muslim-te'n an sawisel avangin ngaihdam an dil leh.

Kenya rama The Star leh South Africa-a The Citizen chanchinbu chuan Charlie Hebdo cover thlalak an chhuah chhawn chuan Muslim-te rilru a tihnat avanga pawi an tih thu an sawi. Muslim tamna ram, Senegal-ah chuan Charlie Hebdo chanchinbu hi sorkari­n hralhchhuah a khap.

The Star chanchinbu chuan Ningani khan Charlie Heddo cover, Prophet Mohammad-a cartoon chuanna chu lian vak loin an chhuah chhawng a, mahse an chanchinbu chhiartu Muslim tam takin an sawisel nghal a, Media Council of Kenya chuan The Star neitute hi koin, an thil tihchhuaha an lungawi loh thu te an hrilh.