Middle East Quartet meeting nei dawn: UN

United Nations, United States, European leh Russia telna, Middle East Quartet chuan January 26 hian Brussels-ah meeting an nei dawn a, Israel leh Palestinian inkar buaina chingfel tura hma lak dan turte an ngaihtuah ang.

Israel leh Palestinian-te inkar buaina hi tun hnaiah a ṭha lo lehzual a ni. Nikum December 30 khan Israel-in Palestinian ram a luahsak chu kum 2017 kumtawpa chhuahsan vek tura rawtna,draft resolution chu UN Security Council-ah ngaihtuah ni mah se a tlang zo lo. Hemi hnu hian Palestinian President Mahmoud Abbas chuan International Criminal Court zawmna tur lehkha pawimawhte a ziakfel a, hei hi Israel chuan na takin a do let nghal.

Ningani khan assistant secretary-general ad interim for UN political affairs Jens Anders Toyberg-Frandzen chuan UNSC hnenah Middle East dinhmun hi a hrilhfiah a, inrintawnna awm lo chuan inremna zawnga inbiakna a tihbahlah phah a ni, a ti.