Nigeria President-in refugee-te a tlawh

Nigeria President Goodluck Jonathan chuan an ram hmarchhak lama Boko Haram-te'n pawi­khawihna an thlen avanga hlaua tlanchhiate awmna a tlawh.

Kar hmasaa helhote pawi­khawih­na rapthlak tak thlen avangin mi 5,000 vel chu hlauin an tlan­chhia a, President chuan heng mite hi hmuin anmahni in ngeia thlamuang taka an awm leh theihna turin theih­tawp an chhuah tur thu a sawi.

President Jonathan hian helho hluarna, an ram hmarchhak bial hi kum 2013 March thla hnua a tlawh lehna hmasa ber a ni. Mi tam tak chuan hel hluarna bial ngaihthahah President hi an lo puh fo tawh a ni.

Hmarchhak biala Borno State khawpui, Maiduguri a tlawhnaah President hian Boko Haram hoin an thuhnuaia an dah bialte chu lakkir sak leh vek an ni ang, a ti.