Abe-a'n Mideast tan dollar tld 2.5 pek a tiam

Middle East ram tlawha zinkual mek, Japan Prime Minister Shinzo Abe chuan Mideast chhawmdawlna leh hmasawnna hna thawhna kawnga puihna turin dollar tluklehdingawn 2.5 pek a tiam.

Kar kalta Inrinni-a Egypt khawpui, Cairo-a hun a hmanah, Abe chuan Islamic State (IS) firfiak pawl vanga ral­tlante lo dawngsawngtu ramte atan dollar maktaduai 200 pek a tiam bawk.

"Japan chuan non-military field hnuaiah Mideast ṭanpuina atan hian dollar tlukleh­dingawn 2.5 a pe dawn a, hei hi humanitarian assistance leh infrastructure development atan hman a ni ang," a ti.

UN chuan nikum Syria rama tualchhung buaina thleng leh IS firfiakte avang­a raltlan chu maktaduai 4.27 an tling tawh tih a sawi. Kum

2011 March thla aṭanga buai­na chhuak vang hian mi 200,000 chuang an thi tawh a, raltlan tam takte hi a ṭhenawm ram Lebanon, Turkey leh Jordan ramahte an tlanchhia a ni.