Germany-ah Islam duhlohna rally huaihawt an khap

Germany ram thuneitute chuan an ram khawchhak lam, Dresden-ah Patriotic Europeans Against Islamisation of the West (PEGIDA) movement te'n Islam duh lohna lantira rally an huaihawt chu a khap. Thuneitute chuan mipui pungkhawmte hi Islam firfiakte'n beih an tum nia thu an dawn avangin rally hi huaihawt lo turin an ti, a ni.

Germany sorkar leh state police agency-te chuan Islam firfiakte chu rally-ah hian tel a, nawrh huaihawttu PEGIDA hruaitu zinga pakhat beih an tum thu an dawng a ni. PEGIDA hian nikum September thla khan Islam duh lohna lantirin Dresden-ah hian rally a lo huaihawt tawh bawk.

Police-te chuan kar kalta Thawhṭannia rally huaihawtah mi 25,000 chuang an tel tih an sawi a, a buatsaihtute chuan kartinin mi an tam belh zel an beisei thu an sawi.