Ebola hri laka fihlimah Mali puan a ni

Mali health minister chuan an ramah ni 42 chhung Ebola hri vei thar hmuh an awm tawh lo a, World Health Organization-in hri leng laka fihlima puanna tura a hun bi tuk a tlin tak avangin an ram chu Ebola hri laka fihlimah puan a ni ta tih a sawi.

Mali ramah hian nikum October khan Ebola hri vei hmuhchhuah a ni a, hri vei hriatchian chu mi pariat niin an zinga parukin an thihpui a ni. Sorkar chuan hri leng khuahkhirh tur hian theihtawp a chhuah nghal a, thla khat chuang zet chu a vei thar an awm tawh lo.

WHO chuan Africa khawthlang lama hri leng mek, Ebola hri vang hian mi 8,400 chuang an thi tawh tih a sawi a, hri leng hluarna ramte chu Liberia, Sierra Leone leh Guinea ramte an ni. Mahse report a tihchhuah thar berah hri vei thar hi an tlahniam tawh tih a sawi.