Myanmar-in Rohingya hruaitu a chhuah

Myanmar sorkar chuan politics thil vanga a man, Rohingya Muslim doctor, Tun Aung a chhuah.

Aung hi Myanmar khawthlang lama tualchung buaina a chhuah ṭuma man a ni a, kum 17 tang tura hrem a ni. A chungthu relsak a nih dan hian sawisel a hlawh hle a, human rights group hrang hrangte chuan chhuah turin vawi eng maw zat an lo an ngensak tawh a ni.

Myanmar sorkar chuan Tun Aung hi kum 2012-a Rohingya Muslim leh Rakhine Buddhist-te intihbuai ṭuma boruak tipunluntuah a puh a, mahse thuhretute chuan Tun Aung hi pawl hruaitu a nih avangin thuneitute'n buaina chhuak tihreh a nih theihna atana inrawlh turin an ngen tih an sawi thung.

Kum 2011-a sipai sorkarin mipui thlan sorkar hnena thuneihna a hlanchhawn aṭang khan Myanmar-ah hian politics avanga man, mi 1,000 chuang chhuah a ni tawh a, mahse mi dang tam tak an la tang mek bawk.