Nepal-ah party 19 te'n nawrh an huaihawt

Nepal ramah Maoists party kaihhruaiin political party 19-te'n nimin khan vote hmanga Constitution duan tumna an duh lohna lantirin nawrh an huaihawt. Nawrh huaihawt hian ram pumah mipui nunphung a tikhaihlak hle.

UCPN-Maoist, Joint Madhesi Front leh party tenau dangte'n nawrh hi an thlawp a, rorellai party-in voting hmanga an ram danpui siam a tum chu ṭha an tih loh thu an sawi.

Nawrh huaihawt vang hian school, college leh bazar-te khar vek an ni a, public service pawh kalpui a ni lo.

Constitution siam ṭhat tumnaah hian political party hrang hrangte chu an ngaihdan a in ang lo hle. Mahse Constituent Assembly chairman Subhas Nembang chuan eptute'n dodal mah se, ram danpui duanna tura voting procedure hman an tum chu an kaltlangpui dawn tih a sawi.