Zambia President tur thlangin vote an thlak

Zambia mipuite chuan an ram President thlangin nimin khan vote an thlak. Nikum khan Zambia President Michael Sata chu a thi a ni.

President thlannaah hian rorellai Patriotic Front candidate Edgar Lungu leh United Party for National Development candidate Hakainde Hichilemate chu an inbeih tawk hle rin a ni.

Candidate pahnihte hian an rama education system siamṭhat leh, hna tam zawk siam an tiam. President atana thlan tlin hian Sata-a'n a term a hman zawh tak loh, thla 18 chhung President hna an chelh ang. Kum 2016-ah Zambia inthlanpui hi neih a ni ang.

President chuh tum zinga mi, Scottish thlah kal zel, interim President Guy Scoot chu a nu leh pate Zambia ramah piang an nih loh avangin a chuh ve thei lo.

Electoral commission chuan zan dar 6-ah vote thlak hun hi khar a ni ang a, khar a nih aṭanga rei lo teah vote tlate chhiar nghalin, darkar 48 chhung­­in inthlan result hi puan a nih tur thu a sawi.