Sudan eptute'n inbiakna an boycott
Syria rama eptu party 21 zinga a tam zawk chuan kum khat zet an kalpui tawh, national diagolue an boycott. Eptute chuan inbiakna hian awmzia a neih loh avang te leh inremna siam tura hmalakna a ṭhat tawk tawh loh vangin an boycott tih an sawi.
Nimin khan President Omar la-Bashir kaihhruaiin meeting hi neih leh a ni a, mahse eptu party 18 an tel duh lo.
Nikum January thla khan President Bashir chuan an ram dinhmun siamṭhatna turin political party zawng zawngte chuan inbiakna dawhkan an kilho a ngai a ni, tiin inbiakna a buatsaih a, mahse inremna kawng zawnga helpawlte inbiakna hran an neihpui chu a hlawhchham vangin national dialogue pawh hian hma a sawn thei lo, an ti.
Eptu party-te chuan an inbiakna hi an rama kum 25 chhung zet thuneihna chang tawh, Bashir leh a mah zuitute duh anga kalpui a ni tiin, an boycott a ni. Eptu pawl pathumte erawh chu an la tel chhunzawm a, an zingah hian Bashir-a thawhpui hlui, Hassan al-Turabi kaihhruai Popular Congress Party (PCP) pawh a tel.