Boko Haram-te'n Baga beitu an ni tih an sawi

Nigeria rama Islamist firfiak pawl, Boko Haram video tihchhuah chuan tun thla tir lama Baga khua beitu an ni tih an sawi a, an hotu Abubakar Shekau chuan, "Lalpa in ti tura min hrilh angin khawchhung mite kha kan that a ni," a ti. Hmun dang pawh beih zel an la tum thu a sawi bawk.

Boko Haram chuan video hi YouTube-ah dahchhuakin, hetah hian an pawl hotu Shekau nia insawi hi a lang.

Baga khua beihnaah hian mi 2,000 vel an thi nia report a ni a, mahse Nigeria sorkar chuan mitthi zat hi 150 tiin a tarlang thung.

Video hi minute 35 awh a ni a, Shekau chuan, "Baga khaw mipuite kan that a ni," tiin, Nigeria sipai leh regional force-te chu a cho nghal bawk. Video-ah hian Doron Baga khuaa sipai hmunpui aṭanga an lak nia rin, ralthuam eng emaw zat an tilang bawk.

Boko Haram hian Nigeria hmarlamah Islam State din tumin hun rei tak an bei tawh a, hmarchhak lam biala khaw eng emaw zat an thuhnuaiah an dah tawh bawk.