Yemen President leh Shiite helte'n inremna an siam

Yemen President leh Shiite helte chuan an khawpuia tharum thawhna thleng tihtawp a nih theihna turin inremna an siam.

State news agency chuan Shiite helte hian President hi a chenna inah hrengin inbiakna an neipui a, Nilaini zan khan inremna an siam thei ta, tiin a tarlang.

Inremna an siamah hian Shiite helpawl, Houthi movement chuan President Abed Rabbo Mansour Hadi chenna in aṭanga an sipaite lachhuakin, an ram inrelbawlnaah thuneihna sang zawk an nei ang. Hei bakah hian hel pawlte hian tun hnaia an rukbo, Hadi thawhpui pawimawh tak pakhat chhuah an remti bawk.

Inremna hi siam ni mah se, Yemen khawpui chhung boruak hi a la ṭha lo hle. Sorkar leh hel pawlte hian thuneitu zawk inchuhin hun rei tak an intibuai a, nikum September thla khan Houthi-te hian khawpui chhung hmun ṭhenkhat chu la mah se, thuneihna tam zawk chu President kutah a la awm.