US sorkarin North Korea rawtna a hnawl

North Korea-in nuclear program a kalpui mek chungchanga thu delhkilh awm loa ram paruk-te inbiakna, six-party talk neih chhunzawm a rawtna chu US sorkarin a hnawl.

US State Department thupuangtu Jennifer Psaki chuan NKorea chief nuclear negotiator Ri Yong Ho-a'n inbiak chhunzawm a rawt dan chu an pawm lo tih a sawi. "US bakah six-party partner-te ngaihdan a pawimawh a, kum 2005-a thuchhuah inṭawm kan lo siam tawh kha NKorea pawh hian a zawm a ngai a ni," a ti a, rawtna thar siam chu an pawm thei lo tih a sawi.

Ri Yong Ho hian Singapore-ah US special representative for North Korea policy Stephen Bosworth chu unofficial meeting a lo neihpui tawh a, US chu NKorea laka war-game a kalpui titawp tura a tih bakah, Korean Peninsula-a boruak tichhetuah a puh bawk.