Bangladesh police-in eptu member 7,000 an man

January 5-a eptu pawl hruaitu, Khaleda Zia-i house arrest-a hren a nih aṭangin Bangladesh police-te chuan lungawi lohna lantira nawrh huaihawttu zinga mi 7,000 chuang an man tawh.

Thuneitute chuan nawrh huaihawttute hian motor-te bomb chhiain, kawngpuite an dang a, mi 29 in an thih phah an ti. Thi zinga a tam zawk hi bus-a bomb tihpuah vanga thi an ni.

Eptu hruiatu Khaleda Zia hian nikum inthlan an neih champha-ah amah thlawptute chu lungawi lohna lantira nawrh huaihawt turin a lo fuih tawh a ni.

Prime Minister Sheikh Hasina chuan eptute chu hel ho anga che-ah a puh a, politics lam an ngaihtuah lo a, mipuite rikrap zawngin an che a ni, a ti.

Industries Minister Amir Hossain Amu chuan nawrh huaihawt a nih aṭang hian eptu pawl hruaitu leh worker 7,015 man a ni tawh tih a sawi. Nawrh huaihawtnaa a hruaitute man an nih theihna tura an chanchin hrilh thei hnenah lawmman atan Taka 100,000 pek a tiam.