Saudi lal King Abdullah a thi

Saudi Lal, King Abdullah bin Abdulaziz chu chuap ṭha lo avanga hun rei tak damdawi-ina enkawl a nih hnuin nimin khan kum 90 mi niin a thi.

King Abdullah thih hnu hian a unaupa hrawn, Salam chu lal atan puan nghal a ni. King Salam hian a unaupa dam­loh vang hian a hma aṭang­in lal mawhphurhna tam tak a kutah a lo la tawh a ni. Abdullah nau, Murqrin chu crown prince atan puan a ni bawk.

Kum 2005-a King Fahd a thih khan Abdullah hi Saudi lal atan lakluh a ni. Abdullah hi King Abdulaziz fapa 32 zinga a 13-na an ni a, kum 1924 khan Riyadh-ah a piang a, a pianni tak hi hriatchian a ni lo. Kum 1962 khan Saudi National Guard commander atan ruat a ni a, a hnathawhna kawngah fak leh zah a hlawh hle.

Saudi lal thar, King Salman hi kum 1935 December 31-a piang a ni a, a nu chu Princess Hassa al-Sudairi a ni. Kum 1955-1960 leh 1963-2011 chhungin Riyadh Governor hna a chelh a, a unaupa Crown Prince Sultan a thih hnuah crown prince-a ruat niin, defence minister a ni zui leh a ni. King Salman hi Arab rama media group lian ber zinga pakhat neitu a ni.