Nigeria inthlan hun sawn hla turin ngen

Nigeria national security advisor Mohammed Sambo Dasuki chuan electoral commission hnenah thla thara an rama inthlanpui neih tum chu sawn hla turin a ngen.

Inthlanpui neih turah hian a ṭum khatna atan voter-te chuan biometric card an neih vek a ngai dawn a, hei vang hian voter card semchhuahna atan hian hun an a la mamawh belh tih Dasuki chuan a sawi. Inthlan hi February 14-a neih tura ruahman a ni.

Security hotu chuan an rama firfiakte do letna kawnga sipaite pui turin an ṭhenawm, Chad ram chuan sipai ṭhahnem tak a thawn lut tih a sawi. Helho hian Nigeria hmar­chhak bialah khaw eng emaw zat an la tawh bawk.

Dasuki chuan nikum chhung khan biometric ID card hi makta­duai 30 vel an semchhuak tawh a, hetiang zat bawk hi semchhuah loh a la awm, a ti.