SKorea President-in PM thar tur a rawt

South Korea President Park Geuh-hye-i chuan an ram Prime Minister thar turin Lee Wan Koo a rawt. Thla 10 liamta khan SKorea Prime minister Chung Hong-won chu an rama lawng chetsualna rapthlak taka mi 300 chuang thihna thleng vangin a lo bang tawh a ni.

President Park hian a secretarial unit-te chu a siksawi a, special policy adviser team siam a tum. Hei hi mipuite nena an inpawhna a ṭhat tawk loh vang leh, a thutlukna siam danah langtlangin thil a kalpui lo nia sawisel a tawh ṭhin vang a ni.

Chung thlaktu atana Park-i'n mi pahnih a lo rawt tawhte chuan an tunhma lam chanchin ṭha lote haichhuah a nih vangin an lo hnar tawh a ni. Tuna PM atana Lee a rawtna hi lawmaker-te pawmpuina lak a nih hma chuan Chung hian a hna hi a lo chelh lailawk ang.