China-in high-speed railway line km 7,000-a thui siam dawn

China chuan Russia khawpui, Moscow leh Beijing inkarah high-speed railway line,km 7,000-a thui siam a tum. Hei hi ram pahnihte hian an chhawr ṭangkai hle dawn a ni, a ti.

Railway line hian China, Kazakshtan leh Russia-te a kaltlang dawn a, km 7,000 chuanga thui niin hei hi khawvela high-speed line thui ber aiin a let thum zetin a thui dawn a ni. He project hi dollar tluklehdingawn 250 senga thawh tur a ni.

China hian high-speed rail technology lamah a huang zauh zel a tum a, hmalakna tura ruahmanna a siam zingah Korean Peninsula leh China inthlunzawmna turte pawh a tel. Nikum November thla khan Nigeria rama railway line, dollar tluklehdingawn 11.97 senga siamna turin Nigeria sorkar nen project an lo ziakfel tawh bawk. Latin America lamah project siam tumin hma a la mek bawk.