News Lawrkhawm

Saudi Arabia lal vuiliam a ni
Kar kalta Zirtawpni zinga thi, Saudi Arabia lal King Abdullah chu a thihni tlaiah vui nghal­in, Riyadh-a Al-Od thlanmualah an phum.
King Abdullah vuina hi neih nghal a nih vangin ram dang hruaitute'n an nang hman lo a, Turkey President Recep Tayyip Erdogan leh Pakistan Prime Minister Nawaz Sharif erawh an tel hman. Ram hruaitu ṭhenkhat chu King Abdullah zahna hlan turin Inrinni khan Riyadh an thleng a, tunkarah hruaitu dang eng emaw zat an kal rin a ni bawk.

Boko Haram-te'n an mi man zinga 190 an chhuah
Nigeria helpawl, Boko Haram chuan kumin kumtira an ram hmarchhak lam, Yobe state aṭanga mi an rukbo zinga 190-te chu kar kalta Zirtawpni leh Inrinni khan an chhuah.
Official-te chuan helpawlin an mi man an chhuah thu hi an sawichiang tawh a, mi ṭhahnem tak an la hreng zui zel tih an sawi bawk.
Boko Haram-te hian January 6 khan Katarko khua an bei a, an khua hi halin mi tam tak an man.