Venezuela President laka lungawi lohna lantir

Venezuela khawpui, Caracas-ah kar kalta Inrinni khan President Maduro leh a kaihhruai sorkar laka lungawi lohna lantirin mi tam takin kawng an zawh.

Kawngzawhte chuan an ramin sum lama harsatna lian tak a hma­chhawn mek laia sorkar policy siam an sawi­sel. Kawngzawhte hi riot police-te chuan city centre-ah an lo dang a, innawr deuh mah se buaina lian tham erawh a thleng lo.

Mipuite chuan an rama thil man sang chak lutuk te, pawikhawihna hluar leh ei tur indaih lohna nasa thlengah sorkar an dem thu an sawi. Eptu pawl hruaitu Maria Corina Machado chuan Venezuela mipuite an inlungrual theihna atan President Maduro chu bang turin a phut.

Venezuela hi oil producer lian a ni a, mahse intenational market-a oil man a tlakhniam vangin an ram economy in an tuar nasat phah hle.

President Maduro chuan National Assembly chu a kaihhruai, socialist sorkar beih a nih dan chhui chiang turin a ti a, supermarket chain pali-te chu bungrua chheprelh a, ram pawn lama tawlhruah a puh bawk.