Egypt-a intihbuaina thlengah mi 18 an thi

Pathianni khan Egypt rama police leh nawrh huaihawtte intihbuaina avangin mi 18 an thi a, mi dang tam takin hliam an tuar. Thi zingah hian police pathum an tel.

Kum 2011-a Egypt President aṭanga Hosni Mubarak-a paihthlak a nih champhaah, amah thlawptute chuan lung­awi lohna lantirin an ram chhunga khawpui lian hrang hrangah nawrh an huaihawt. Nikum pawh khan nawrh hi an lo huaihawt tawh a, buaina chhuak vangin mi sawm chuang an thi tawh bawk.

Police-te chuan nawrh huaihawt ni hian Nile Delta-a bomb kam tum hel pahnih an man tih an sawi a, nawrh huaihawt­na hmun hrang hranga buaina chhuak vangin mi 400 chuang an man tih an sawi bawk.