China sorkarin official motor 106 a lilam

China sorkar chuan official motor 106 te chu Pathianni khan Beijing-ah a lilam a, lilam aṭanga a sum hmuk hi yen mak­ta­duai 6.6 (US dollar maktaduai 1.06) a tling. Lilam chhan tuma kalkhawm an ṭhahnem hle.

Sorkar hian official motor hlui 3,184 a lo lakhawm tawh a, a dang pawh hi lilam chhunzawm zel a tum a, February thla chhung hian motor 300 vel lilam hman a tum.

Official-te chuan sor­kar motor hlui tawh, garage-a dah ṭawl mai mai turte chu mipuite hnena man tlawm zawka leitir chu a ṭha hle, an ti a, mahse lilamna hmunah website lama a man tura an bithliah chin aia sang daiha chhan a nih hlawm avang­in lilam leh hunah tel duh an ṭhahnem tawh loh phah an hlauhthawn thu an sawi.