Japan eptu pawlte'n Murayama Statement pawm turin PM an phut

Japan eptu party-te chuan Prime Minister Shinzo Abe chu Japan-in indo laia a ṭhen­awm, Asia ram dangte lakah rawng taka a chetna avanga thupha chawina, Murayama Statement lo siam tawh chu pawm turin an phut.

Abe hian TV-a thu a sawiah, Indopui II-na champha vawi 70-naa tihchhuah turin statement thar duan a tum thu a lo sawi tawh a, hetah hian kum 1995-a Murayama Statement siam a nih ṭuma telh 'colonial rule' tih leh 'rawng' tih ṭawngkamte chu paih tum a ni.

Eptu pawl Komeito party hruaitu, Natsuo Yamaguchi chuan Murayama statement-a ṭawngkam hmante chuan awmze thui tak an nei a, hei hi zahsak a ni tur a ni, a ti. Japanese Communist Party hotu, Kazuo Shii pawhin 1995 statement chu pawm a, a ṭul anga action la nghal turin PM a phut bawk.

Kum 1995 khan khatih laia Japan Prime Minister Tomiichi Murayama chuan statement siamin, "Japan chuan colonial rule leh duh­amna hmangin Asia ram mipuite leh a ṭhenawm ramte chungah tawrhna nasa tak a thlen a ni," a ti.