Boko Haram helte'n Maiduguri khua an bei

Nigeria helpawl, Boko Haram-te chuan Pathianni khan hmarchhak lama khaw pawimawh tak, Maiduguri khua an bei. Pathian­ni zing vek han Monguno khua chu sipaite kut aṭangin an laksak bawk.

Helpawlte hian Nigeria hmarchhak biala Isla­mic State din tuma an beihnaah hma an sawn zel a, Maiduguri khaw dinhmun pawh hi a ṭha lo hle.

Hetihlai hian Nigeria hi thla thara President thlang turin a inbuatsaih mek. US Secretary of State John Kerry chuan Pathianni khan Nigeria hi tlawhin, inthlanna muanawm leh felfai tak nei turin a chah.

Kerry chuan Prseident Goodluck Jonathan leh eptu pawlin president candidate atana a ruat, Muhammadu Buhari-te chu an campaign-naah pawh tharum thawhna a thlen lohna tura theih­tawp chhuah turin a ngen. Nigeria sorkar­in helho a beihletna chu US chuan a thlawp zel dawn tih Kerry chuan a sawi bawk.