Japan PM ni rei thei ber Shinzo Abe

Japan prime minister Shinzo Abe chu nimin khan a zawna prime minister dinhmun a chelh ni 2,799-na a ni a, a zawna PM dinhmun chelh rei thei ber a ni. 

Nikum November thla khan Shinzo hi an ram prime minister ni rei ber a lo ni tawh a, mahse hei hian a zawna a office luah chin ni loin, a term hmasa pawh a huam tel a ni. Kum 2007 khan a hriselna lam 

ṭhat tawk loh avangin PM aṭang hian a bang a, mahse kum 2012 khan PM atan thlan nawn leh a ni. Tuna a term hman mek hi kum 2021, September thlaah a zo ang. 

Hetih lai hian Abe hi a pum lam ṭhat loh avangin nimin khan Tokyo hospital-ah a inentir leh. Tunhnaiah a hriselna dinhmun lam hian ngaihven a hlawh hle a, kar liam ta pawh khan darkar sarih chuang zet medical examination a lo nei tawh a ni. Mahse sorkar lam thuchhuak chuan regular check up a nih thu leh, hlauhthawnawm a awm loh thu a sawi thung.