Argentina-in intelligence agency a ṭhiat dawn

Argentina President Cristina Fernandez chuan an ram intelligence agency chu ṭhiah an tum thu a puang.

Kum 1994-a Argentina rama Jewish centre-a bomb chak tak puak vanga mi 85 thihna leh, mi 200 chuangin hliam an tawrhna chu chhui chian a ni a, mahse hemi chungchang chhuina buaipuitu, state prosecutor Alberto Nisman chu tun thla tir lamah khan mak takin a thi a ni. Prosecutor thihna chungchangah hian intellingency agency hi a inrawlh nia rinhlelh a ni.

Alberto Nisman chuan a thil chhui hna chu President Fernandez-i hian tihbuai tumin a phiarru niin a lo puh tawh a, President a puhna chungchangah thu zawhfiah tum mek a ni. Nisman hian Jewish centre beihnaa mawhphurtutte chu hrem an nih lohna turin President Fernandez-i chu a ruka Iran inbiakna neihpuiah a puh. Sorkar lam chuan Nisman-a'n President a puhna hi agency-a thuneihna inchuh kaihhnawih thil zawk niin a sawi.

President chuan intelligence agency ṭhiahna tur bill chu Congress-ah pek thuai a ni ang, a ti.