NKorea hotuin Russia a tlawh dawn

Democratic People's Republic of Korea (DPRK) hotu lu, Kim Jong-un chuan May thla hian Russia tlawh a tum a, Soviet Union-in Indopui II-naa Nazi Germany a hneh champha vawi 70 lawmna a hman turah a tel dawn.

Russia Presidential press secretary chuan May thlaa Nazi hnehna champha lawmnaah hian ram 20 hruaitute'n an tel theih tur thu an sawichiang tawh a, an zingah hian NKorea hotu pawh hi a tel tih a sawi. He huna tel tur hian South Korea President Park Geun-hye pawh sawm a ni.

Russia hian kum tinin May 9-ah Indopui II-naa Soviet chak a lawm ṭhin a, a lawmnaa tel tur hian ram hrang hrang hruaitute a sawm ṭhin. Hemi ni hian Red Square-ah parade ropui tak a buatsaih ṭhin.