Libya hotel-a bomb puakah mi 8 an thi

Libya khawpui, Tripoli-a hotel lian berah Islamic State (IS) firfiakte peng pakhat, helhoin bomb an tipuak a, mi pariat an thi a, midang tam takin hliam an tuar.

Hotel beitute hian Thawhleh­ni khan Corinthia Hotel an luh­khung a, security force-te nen darkar li dawn an inkah hnuah hotel chhawng 21-naah an zinga pahnih chuan an bomb pai an tipuak ta a ni. An zinga pakhat chu police-te'n an man.

Bomb puak vanga thi zingah hian ramdang mi panga an tel.

Libya rama IS peng pakhat, 'Tripoli Province' chuan an social media webpage-ah hotel beitute an ni tih a tarlang a, an beih chhan chu hotel-ah hian Muslim ni lo ramdang palai leh security company-te an awm vang niin an sawi.