Kenya rama Kristian radio station hijack

Kenya rama Kristian radio station lar tak, Hope FM radio chu hijack a ni a, he station aṭang hian Islam sakhaw thurin tihchhuah a ni.

Hope FM chuan Thawh­lehni zan khan an station aṭanga signal an pekchhuah chu tihbuai a ni tih a sawi a, mahse darkar thum hnuah a pang­ngaia kalpui leh theih a ni, a ti.

Kar hmasa khan Kenya rama private chanchin, 'The Star' website chu khawihbuai a lo ni tawh bawk a, an website-ah hian firfiak kaihhnawih thil eng emaw zat an lo post sak a ni. He chanchinbu hian French magazine Charlie Hebdo in Prophet Muhammad cartoon a tihchhuah chu an chhuah chhawng a, hei hian Muslim-te thin a tithinur hle.

Hope FM hi Kenya khaw­pui, Nairobi aṭanga pekchhuah a ni a, Pentecostal Churh ta a ni. Kum 2006 khan an office hi petrol bomb hmangin beih a ni a, security guard pakhatin a thihphah a ni.