Obama-a'n military budget tisang turin a ngen dawn

US President Barack Obama chuan Congress hnenah kum 2016 atana military budget chu dollar tluklehdingawn 585-ah tisang turin a ngen dawn.

Military budget tisang tura a rawtna hi ralthuam leina tur tihpunna tur te, research leh maintenance atan te hman tura tih a ni.

US sorkar chuan karleh Thawhṭanni hian budget tipung tura a ngenna hi tihchhuah a tum a, ruahmanna a siamah chuan weapons program atan dollar tluklehdingawn 107.7 dah tura ngen a tum. Hei hi kum hmasa lam aiin dollar tlukleh­dingawn 14.1 in a tam zawk. Hei bakah hian research and development atan dollar tluklehding­awn 69.8 dah a rawt bawk a, kum hmasa lam aia a tamna chu dollar tluklehdingawn 6.3 a tling.

Military budget tihpun rawtna hi pawm a nih chuan F-35 fighter jet tam zawk lei theih a ni dawn a, radar-evading aircraft 57 an lei theih phah dawn tih official chuan a tarlang.