Castro-a'n Guantanamo Bay pe kir turin US a phut

Cuba President Raul Castro chuan United States nena inlaichinna siamṭha tura hma an lak meknaah, US chu Cuba rama bungrua thawnluh a khapna titawp tur te, Guantanamo Bay pe kir tur leh terror list aṭanga paih tur tein a phut.

Castro hian a thil phut hi Havana-a US palai hnenah a hriattir.

Cuba leh US inlaichinna hi kum 1961 aṭang khan a chhe ṭan tawh a, palai an intirh tawn ṭhin pawh an titawp a ni. Hemi hnu hian ram pahnihte hian an inkar boruak siamṭhat tumin inbiakna an nei leh mek a ni.

Cuba president hian US chu Cuba ramchhung inrelbawlnaa inrawlh lo turin a ti bawk.

A thil phut chungchang hi sawiin, Raul Castro chuan, "Heng kan harsatna te hi kan chingfel lo a nih chuan, palai intirh tawn tum pawh hian awmzia a nei lo ang," a ti.