Mexico-ah gas truck puakin hospital a tichhia

Mexico City-ah gas phur, lorry puak vang­in hmeichhe pakhat leh nausen pakhat an thi a, midang 20 chuangin hliam an tuar.

Vanduai thlenna hmun hi Mexico City khawthlang lam a ni a, Maternity and Children's Hospital kawtah gas truck hi puakin, hospital pawhin a chhiatphah nasa hle. Gas puah lai hian hospital chhungah mi 100 vel an awm.

Official-te chuan truck aṭanga hospital chokaa gas pekluhna pipe hi a put a, hnathawktute tihtawp tumin bei mahse an dang thei lo a, a puak ta niin an sawi. Truck dinna bula hospital hi 40% vel a chhia a ni.

Mexico City Mayor Angel Mancer chuan gas truck puak vang hian puitling 32 leh naupang 22 in hliam an tuar a, mahse an zingah hian hliam na lutuk an awm lo tih a sawi.

Mexico ramah hian gas puak vanga chhiatna a lo thleng fo tawh a, kum 2013 February thla khan Mexico City-a Pemex energy firm-a gas puak vang­in mi 37 an thi a, hemi kum vek May thla khan gas tanker chesualah mi 25 an thi tawh bawk.