A in kawta vur tihfai loh vangin John Kerry-a pawisa chawitir

31st January, 2015

US Secretary of State John Kerry chu a in kawta vur tlakhawm a thenfai loh vangin Boston City official-te chuan US dollar 50 an chawitir.

City official-te chuan John Kerry hi Pinckney Street-a a chenna in bula sidewalk-a vur tlakhawmte a thenfai loh avangin pawisa an chawitir tih an sawi a, Kerry-a thupuangtu Glen Johnson chuan Secretary of State hian a sum chawi tur hi sawibuai loa a pek tur thu a tarlang bawk.

Johnson chuan, "Sorkar mi pawimawhte hi midangte ang ve tho an ni. Secretary Kerry hi kar hmasaa vur thli a tleh lai khan rampawn lamah a zin chhuak a, a in bul hi a thianfai hman lo a ni," a ti.