China-in smartphone Apps 903 a paihsak

China rama search engine lian ber, Baidu Inc chuan appli­cation store aṭangin smartphone application 903 chu a paih.

Cyberspace tih thianghlimna atan, a bikin mobile network tihthianghliamna atan Baidu hian application zinga harsatna siam ṭhin 903 te hi a paih a, heng zingah hian film ṭha lo chung­changa informa­tion pekna apps te pawh an tel.

Nikum November 27 khan Beijing-a company 50 chuang chuan application ṭha leh rintlak zawk siam tur hian inremna an lo ziak tawh a, an zingah hian Baidu Inc pawh hi a tel. Company-te chuan dan loa apps an siam­te chu paih an remti bawk.

Kum 2014 chhung khan China ramah hian website 2,200 leh micro blog, online forum leh Wechats maktaduai 20 chuang chu thlalak leh film ṭha lo thehdarhna hmanrua atana hman an nih avangin khar sak an lo ni tawh bawk.