AU-in sipai chak tak din a duh

African Union chuan kum 2009 aṭanga Nigeria rama pawikhawihna hrang hrang thlentu, Boko Haram helpawlte bei let tura sipai chak tak siam a tum.

Nimin khan AU Summit neih a ni a, hetah hian Boko Haram-te bei let a, hneh ngei tur hian ram pangaa sipai 7,5000 te telna ṭangrual sipai pawl din an rel. AU Commission hotu NKosazana Dla­mini-Zuma chuan, "Bo­ko Haram-te chetdan rawng tak te, mihring nunna zahna nei miah loha an chetdan leh an thil neih­te an tih­chhiatsak dante hi thil rapthlak tak a ni," a ti. Boko Haram-te tharum thawhna hluar zel chu a vei hle tih a sawi bawk.

Kum 2009-a Nigeria hmarchhak lama Islamic State din tuma an hel aṭangin, Boko Haram te pawikhawihna thlen avang hian mi 13,000 chuang an thi tawh a, mi mak­taduai khat velin an in leh lo an chan tawh bawk.