Putin-a'n China a tlawh dawn

Russia president Vladimir Putin chuan tun Inrinni lo awm tur aṭang hian China tlawhin a zin dawn a, hetah hian ram pahnihte thawhdunna tinghet leh insumdawn tawnna chungchangte an ngaihtuah ang.

Ningani leh Zirtawpnite khian Tashkent-ah Shanghai Cooperation Organisation neih a ni dawn a, hemi zawh hian Putin hian China hi a tlawh nghal dawn a ni. Politics leh insumdawn tawnna kawngah leh thiamna inhlanchhawnna kawnga thawhdunna te an ziak dawn a ni. Kumin hi China leh Russia-in Sino-Russian Good Neighbourly Treaty of Frienship and Cooperation an ziah kum 15 tlin cham a ni.

Shanghai Cooperation Orga-nisation, tunkara neih turah hian India leh Pakistan dinhmun an thlir dawn a, member puitlinga lakluh tur nge tur loh tih an ngaihtuah tur zingah a tel. SCO-ah hian China, Kazakhstan, Kyrgystan, Russia, Tajikistan leh Uzbekistan te chu member puitling an ni a, Afghanistan, Belarus, India, Iran, Mongolia leh Pakistan te chu thlirtu ramte an ni.