Zika virus damdawi mihringah a enchhin theih ṭep

Inovio Pharmaceuticals chuan Zika virus vênna damdawi an siam chu mihring tan a him leh him loh a enchhin theih ṭêp tawh sawiin, thuneitute aṭang pawhin enchhin phalna an dawng tawh tih an sawi.

Inovio Pharmaceuticals chuan Food and Drug Admi-nistration aṭangin DNA beh-chhan Zika virus vênna dam-dawi hi mihring en chhin phalna an nei tawh tih an sawi a, Zika virus damdawi siamtu dang, National Institutes of Health aiin an che rang zawk a, NIH hian kumin favangah enchhin theih tura an peih an inbeisei thung.

He damdawi hi ranah an enchhin tawh a, an enchhin tawhnaah chuan he damdawi hian antibody siamin, taksa ralvengte chu Zika virus bei turin a siam a ni.

Zika virus hi thosi chi khat, Aedes aegypti aṭanga kai darh a ni. Mi tam berah chuan khawsik ser ser emaw chauh a thlen a, nu naupaiah chuan, naupai lai piansualna leh thihna hial a thlen thei thung.