Firfiak rinhlelh vangin Brussel a buai

Belgium khawpui Brussel-a shopping centre-ah firfiaka chet tumna a awm nia report a nih avangin Brussel khawpui a buai a, he shopping centre pawh hi khar zui nghal a ni.

City 2 shopping centre-ah hian thil fûn, a chhunga puakthei thil awma ngaih hmuh a nih thu he shopping centre enkawltute hian an report a, chumi bawhzui chuan Brussells police-te hi che chhuak an chechhuak nghal a ni. Shopping centre hi mipui himna atan khar nghal a ni bawk.

Police-te hian subway panna te dang ping nghalin, rinhlelh an dap nghal a, nimin zing lam khan mi pakhat man a ni a, mahse puakthei thil pai a nei lo. Paris khawpuia firfiakte an chet hnuah Brussels-ah hian firfiak chêt hlauhthawnna a lian hle.