Taliban ten mi 25 an hrêng

Afghanistan-a Hel-mand province-ah Taliban ten mi 25 aia tlem lo an hrêng niin, nimin khan Afghan thuneitute chuan an sawi. Tunhnai chhoah Afghanistan-ah hian inbeihna a thleng hnem hle a, a bikin inrukbo a hluar thar hle.

Helmand province larsap thupuangtu Omar Zwak chuan Taliban-te hian mi eng emaw zat an hrêng a, an hrên zingah hmeichhia leh naupang 18 an chhuah tih sawiin, mipa mi 25 an la hreng zui tih a sawi. Police leh sipaiten an mi hrênte chhanchhuak turin an zawngin an bei mek tih a sawi bawk.

Taliban thupuangtu Qari Yousuf Ahmadi chuan bus pathum aṭanga mi chuang an lak, mi 27 te an kawl mek tih a tarlang a, chung mi an kawlte chu an chhui chiang mek tih sawiin, "Pawisawilote chu chhuah an ni ang a, amaherawhchu Kabul-a phuahchawp sorkar mi chhawrte erawh chu Islamic Emirate court-ah kalpui an ni ang," a ti.

May thla tawp aṭang khan kawng laka motor veivak aṭangin Taliban te hian mi 200 chuang an hrêng tawh a, mi 21 chu an that tawh a ni.