Firfiakten car bomb hmangin Jordan an bei

Thawhlehni zing dar 5:30 khan firfiakten car bomb hmangin Jordan sipaite an bei a, sipai paruk thiin, mi 14 an hliam.

Jordan sipai thupuangtu chuan Jordan leh Syria inrinaa raltlan hmun, Rigban bula sipai hmun chu firfiakte hian car bomb hmang hian an bei tih sawiin, tute nge anmahni beitute tih an la hre lo tih a sawi a, eng pawl mahin an tih a nih leh nih loh chhâl an la awm lo bawk.

Sipai thupuangtu chuan dawihzep taka inbeihna a ni tih sawiin, car bomb hmanga beitute hian helai vela Syrian raltlante enkawla venghimtu sipaite a tum bik a ni a ti. Syria leh Jordan inrinaah hian Syrian raltlan mi 60,000 vel lai chu Jordan-a inhumhima luh tumin raltlan bukah an awm mek a ni.