Khameinei-a'n Islam leh Arab ram phatsanah UAE a puh

Iran ram hotu lu ber, Supreme Leader Ayatollah Ali Khameinei chuan United Arab Emirates (UAE) in Israel nena inzawm­na nei tura inremna a siam­pui chu na taka sawiselin, UAE chuan Islam leh Arab ram a phatsan a ni, a ti. 

Khamenei chuan UAE thiltih hi hriatreng a ni tawh dawn tih sawiin, "Palestine theihnghilhin, an ramah Zionist sorkar luh an phalsak ta a ni," tiin a sawi. UAE chu an harhchhuah thuai a beisei thu leh, an thiltih man pawh hi an chawi ngei a rin thu a sawi. 

US hmalaknaa UAE leh Israel ramin an inlaichinna siamṭhatna tura inremna an siam hi Arab ram hrang hrangte chuan an sawisel nasa hle. 

Iran foreign ministry chuan an inremna siam hi thil atthlak tak a nih thu a lo sawi tawh bawk.