Italy President atan judge Mattarella

Italy parliament member-te chuan an ram president thar atan kum 73 mi, constutional judge Sergio Mattarella an thlang.

President atana thlan thar hian January thla laihawla bang ta, Giorgio Napolitano a thlak dawn a ni.

Prime Minister Matteo Renzi-a party, center-left Democratic Party (PD)-in President atana a rawt, Mattarella hian kar kalta Inrinnia vote 1,009 awmna assembly-a vote lakah vote 665 a hmu. Mattarelal hi naktuk zingah Parliament-ah rinawmna thu tiam tira lakluh a ni ang.

Mattarella hi mi ngawichawi leh politics lamah pawh vaupung na lo tak nia sawi a ni a, a dik leh felna avangin Prime minsiter hlui Mario Monti leh ram hruaitu dangte fak pawh a hlawh hle.

Assembly-a vote laknaah hian eptu pawl, Five Star Movement (M5S) candidate, senior magistrate Ferdinando Imposimatao chuan vote 127 a hmu a ni. M5S leh Silvio Berlusconi-a pawl, Forza Italia (FI) chuan Renzi-a'n anmahni rawn loa PM atana Mattarella dah a tum vangin President thlan thar hi thlawp an tum lo tih an sawi.