Bangladesh-a plastic factory kangah mi 13 thi
Bangladesh khawpui, Dhaka-a plastic factory-ah Inrinni zan khan kangmei a chhuak a, mi 13 an thi a, chin hriat lohin mi eng emaw zat an la awm.
Fire department official Mohammed Farhaduzzaman chuan kangmei chhuahna hmunah hian ruang 13 hmuh a ni tawh a, mahse kangmei chhuah lai hian chhawng nga-a sang, factory building-ah hian hnathawktu 70 vel an awm avangin chin hriat lohin midang eng emaw zat an awm thu a sawi.
Bangladesh ramah hian factory tam zawkte chuan himna dan siamte an zawm ṭha lo hle. Kum 2012 khan thawmhnaw siamna factory-a kangmei chhuakah hnathawktu 112 an thi a, kum 2013 khan thawmhnaw siamna factory vek a chim avangin mi 1,100 vel an lo thi tawh bawk.