Suu Kyi-i gate an lilam dawn

Myanmar rama eptu hruaitu, democracy tundin tuma a beih avanga sipai sorkarin pawn chhuak thei loa hun rei tak a ina a hren, Aung San Suu Kyi-i in luhna gate chu lilam a ni dawn.

Thir siam gate hnunga inah hian Suu Kyi-i hi kum sawmhnih chuang pawn chhuak thei loa hren a lo ni tawh a ni. Kum 2010-a chhuah zalen a nih hnuah a in leh a vel tihfel a nih laiin gate hi paih tura an dah chu hmuin Suu Kyi hnena aṭang hian a lei ta niin restaurant neitu, Soe Nyunt chuan a sawi.

Nyunt chuan, "Heng gate-te hi tunah chuan ka ta a ni tawh a ni. He gate hian democracy din tuma beitu, Suu Kyi-i lo tawrh tawhnate a lantir a ni," a ti. A tirah chuan museum-ah dah a rilruk a, mahse Suu Kyi-i party, National League for Democracy (NLD) headquarters thar sakna atana sum tuak nan lilam hi a tum leh ta zawk tih a sawi.

Kar hnih hnuah gate hi lilam tum a ni a, Nyunt chuan dollar 200,000 aia tlem chuan hralh a tum lo tih a sawi bawk.